ILOILO CITY – Nagtaliwan na sa edad nga 80 ang beterano nga aktres nga si Susan Roces.
Mismo ang iya hinablos nga si Lawrence Cruz Sonora ang nagpakigbahin sang masubo nga balita pinaagi sa isa ka Facebook post.
Suno naman kay Sen. Grace Poe, napatay si Susan sa luyo niya upod sa iya mga hinablos nga sanday Joseph kag Jeffrey subong man sang iban pagid nga myembro sang ila nga pamilya kag suod nga abyan.
Madamo naman sang mga celebrities ang nagpakigbahin sang ila pagkasubo sa kamatayon sang beterano nga aktres nga nagpalangga sa iya sa sulod sang halos 70 years sa industriya.
Si Susan ang asawa sang nagtaliwan nga si Da King Fernando Poe Jr. kag adoptive mother ni Senator Grace Poe.
Siya ang ginkabig nga “Queen of Philippines Movies,” nga nagsugod sang iya acting career sang ’50s kag nangin bantog nga leading lady sang local cinema.
