Ginklaro sang Bureau of Fisheries and Aquatic Resources (BFAR) nga indi matuod ang mga impormasyon sa social media nga indi safe ang pagkaon sang isda bangud sang medical waste nga ginpangtampok sa dagat.
Ang ginatumod sang bureau amo ang social media posts kun sa diin gin-anunsyo sa publiko nga indi anay magkaon sang isda bangud may yara sang medical wastes sa dagat partikular ang tube halin sa ospital nga nagaunod sang human immunodeficiency virus (HIV).
Indi matuod ini nga posts suno sa ahensya kag dapat indi pagpatihan sang publiko. Sa baylo suno sa BFAR, dapat anay nga i-verify ang source sang impormasyon antes ini i-share.
Nahibaluan nga ang BFAR mismo ang naga-isyu sang warnings kag nagapatuman sang bans pananglitan may mga isyu sa food safety kaangay sang red tide kag kun may matabo nga oil spill.
(Photo: PIA)
