Ginadumilian ang mga manugpangisda sa paglayag sa Rozul Reef (Iroquois) kag sa kadagatan sa Puerto Princesa, Palawan halin alas singko sa hapon tubtub alas nueve sa gab-i sa Enero 25-27 bangud sa posible mahulog nga mga debris halin sa rocket.
Santo ini sa advisory nga ginpaguwa sang Bureau of Fisheries and Aquatic Resources (BFAR) MIMAROPA.
Naangot ini sa pagpalupad sang China sang ila nga Long March 8A rocket halin sa Wenchang Spacecraft Launch Site sa Hainan province.
Suno sa ahensya, ginapanan-aw nga may mga rocket debris nga mahulog ginabanta 106 nautical miles ang distansya halin sa Rozul Reef, 34 nautical miles halin sa Puerto Princesa, kag 34 nautical miles halin sa Hadji Muhtamad, Basilan.
May gin-isyu man ang BFAR nga specific drop zones apang suno pa sa ahensya, wala man ginalauman nga magtupa ini sa mga lugar nga ginapuy-an sang mga tawo sa sulod sang teritoryo sang Pilipinas. Ang ginalantaw nga delikado amo ang vessels nga maglabay sa rocket debris zones.
Una na nga nagpaandam ang Philippine Space Agency (PhilSA) nga indi pagpudyuton ukon uyatan ang rocket debris kaangay sang rocket fuel bangud mahimo nga naga-unod ini sang toxins.
