Gin-athag sang Bureau of Fisheries and Aquatic Resources (BFAR) nga indi makaapekto sa fisheries production sang Pilipinas ang ginpatuman sang China nga “no trespassing” policy sa West Philippine Sea.
Suno kay BFAR spokesperson Nazario Briguera, importante ang kontribusyon sang West Philippine Sea sa fisheries production sang pungsod.
Ginpahayag ni Briguera nga wala sang epekto ang unilateral declaration sang China bangud sa una pa lang, wala na nila ginakilala ang nasambit nga deklarasyon.
Nahibalunan nga 6% tubtob 7% sang fisheries sector sang Pilipinas ang naghalin sa West Philippine Sea.
Kapin 400,000 naman ka mga manugpangisda ang yara sa nasambit nga territorial waters.
