ILOILO CITY – Indi pa makabalik sa operasyon ang Bureau of Fire Protection Region 6 kasunod sang pagpositibo sa Coronavirus Disease 2019 (COVID-19) sang isa ka firewoman.
Matandaan nga ginlockdown ang opisina sang Bureau of Fire Protection sang damlag lang.
Sa interview sang Bombo Radyo kay F/SInsp. Stephen Jardeleza, tagpamaba sang Bureau of Fire Protection Region 6, iya ginpahayag nga bangud ginpaidalom sa nasal swab test ang mga personnel sang ahensya, naka-quarantine ang mga ini subong sa ila nga opisina.
Suno kay Jardeleza, wala pa nakaguwa ang COVID-19 test result sang mga personnel gani padayon nga magapabilin nga sirado ang talatapan.
Dugang pa sang natungdan, sa tion nga may magluntad nga sunog, ang mga fire sub-station lang anay ang maga-responde.
