Gin-athag sang Iloilo City Public Safety and Transportation Management Office (PSTMO) nga may aprubado nga permit ang Bureau of Fire Protection (BFP) Region VI sang nagpatigayon ini sang isa ka aktibidad nga nag-apekto sa dalagan sang trapiko sa Iloilo City Proper.
Kahapon, masobra isa ka oras nga nagpugok ang trapiko sa JM Basa St., Iloilo City Proper.
Sa interview sang Bombo Radyo kay PSTMO head Mr. Jeck Conlu, iya ginpahayag nga 3:00 sa hapon nag-umpisa ang bumper-to-bumper traffic sa lugar kag natigayon lang nga nagligwa 4:30 na sa hapon.
Ini bangud sang ginpatigayon nga testimonial honors para kay BFP regional director Fire Chief Superintendent Atty. Jerry Candido sa Iloilo City Freedom Grandstand.
Bangud may yara sang parada, ginsirado ang dalan sa Muelle Loney kag gintingob tanan sa dalan JM Basa.
Ginpanginwala man ni Conlu ang reklamo sang iban nga motorista nga wala sang gin-assign nga traffic aide sa amo nga area.
