BFP, ginahibalo kun ano ang rason sang pagsigabong sang LPG sa isa ka kalan-an sa Iloilo City

ILOILO CITY–Ginahibalo pa sang Bureau of Fire Protection (BFP) ang natabo nga pagsigabong sa Nick’s Dream Food Haus sa Rizal St. Iloilo City.
Sa interview sang Bombo Radyo kay Senior Fire Officer 1 Rollin Hormina, fire and arson investigator sang BFP, iya ginpahayag nagatipon pa sila sang impormasyon kun paano nagsigabong ang Liquified Petroleum Gas (LPG) sa sulod sang fast food chain.
Suno kay Ormina, mahimo nga wala nasirado sang maayo ang LPG rason nga nagsungaw ini.
Nahibaluan nga nabuka ang glass wall sang nasambit nga fast food chain bangud sa mabaskog nga pagsigabong sa diin isa ang napilasan sa insidente.