Gin-athag sang Bureau of Fire Protection (BFP) nga sa subong wala pa sila sang na-eksperyensyahan nga kakulang sang suplay sang tubig. Sa interview sang Bombo Radyo kay SFO3 Aquilino Sampiano, operations Chief sang BFP, niya ginpahayag nga wala pa sila sang may na -eksperyensyahan nga nasambit nga problema apisar madamo sang nagluntad nga sunog sa syudad.
Suno kay Sampiano, ang ila lang problema amo ang kalayuon sang mga fire hydrants nga ila ginakuhaan sang tubig. Ginahingyo man nila suno kay Sampiano ang mga barangay officials nga magtrain sang fire brigade volunteers agud nga magaserbe nga first line of defense nga magaaway sang kalayo sa tion na wala pa nakaabot ang BFP.
Nagpanugyan man ang natungdan sa mga pumuluyo nga mag-stock sang tubig sa tion sang kagab-ihon agud may magamit sa tion nga may magluntad nga sunog.
