Wala ginadula sang Bureau of Fire Protection Iloilo ang iban pa nga posibilidad nga ginhalinan sang sunog nga nagluntad sa Brgy. Gustilo La Paz, Iloilo City.
Ini matapos nga nagwa sa initial nga imbestigasyon nga nag-umpisa ang kalayo sa balay ni Leo Estañol.
Sa interview sang Bombo Radyo kay SFO1 Den Mark B. Macoco, Acting Chief Investigation and Intellegence Unit, Iloilo City Fire Station, iya ginpahayag nga nakuhaan na nila sang iya side si Estañol apang wala nila ginadula ang iban pa nga ginhalinan sang nasambit nga sunog.
Suno kay Macoco nga ila na napadala sa National Office ang ila nga iban pa nga example nga nakuha kag subject for laboratory testing pa ini.
Ginpahayag pa ni Macoco nga ginroll-out naman nila ang posibilidad nga electrical in nature ang ginhalinan sang sunog bangud ang balay indi man energize.
Suno pa sa iya nga bangud human sa mga light materials ang mga balay sa lugar kag nagatinupaday pa ang mga ini madali nga naglapta ang kalayo.
Dugang pa niya nga naglab-ot na sa 40 ang totally damage, apat ang partially damage kun sa diin nagabalor ini sang masobra 205, 000 pesos.
