Indi pa matumod sang Bureau of Fire Protection (BFP) kon aksidente ukon gintuyo nga sunogon ang mga salakyan nga ginapanag-iyahan ni Fornier, Antique Mayor Ernesto Tajanlangit III kag sang mga utod sini.
Sa interview sang Bombo Radyo kay Fire Officer 2 Carlos Montenegro, fire Investigator, iya ginpahayag nga on going sa gihapon ang imbestigasyon sa natabo nga insidente.
Suno kay Montenegro, ginatinghuwaan sang talatapan nga gilayon matumod ang rason sang paglamon sang kalayo sa mga salakyan.
Ginpahayag man sini nga nagkoordinar na sila sa Philippine National Police (PNP) agud nga mapadasig ang imbestigasyon.
Gin-athag man sang natungdan nga indi pa matul-id ang balor sang kahalitan nga natuga sang sunog.
