ILOILO CITY–Nadugayan sa pagresponde ang mga bombero sa sunog nga nagluntad sa boundary sang Barangay Taytay Zone 2 kag Barangay Calubihan Jaro, Iloilo City.
Suno kay City Fire Marshal Chief Inspector Christopher Regencia, nabudlayan sila nga magsulod sa duha ka barangay bangud sa mga kuryente nga nagabalabag sa salakyan.
Isa pa gid ka rason nga indi sila makadali-dali sulod sa barangay amo nga tuman ka kitid ang dalan.
Samtang, ginapanginawala ni Chabelita Abunda nga naghalin ang sunog sa iya nga balay sa Barangay Calubihan, Jaro, Iloilo City.
Ini matapos nga ginpahayag sang iban nga pumuluyo nga ang gintunaan sang sunog amo ang napabay-an nga kalayo sa dapog.
Walo naman ka tawo ang nagpin-ot ang pagginhawa tungod sa madamol nga aso.
