Nagpangabay ang Bureau of Fire Protection (BFP) sa publiko nga ipa-iway ang pagtutod sang mga laya nga dahon ukon hilamon nga ginatunaan sang grass fire.
Sa interview sang Bombo Radyo kay SFO3 Aquilino Sampiano,Chief operations officer sang Iloilo City Fire Station, iya ginpahayag nga agud malikawan ang sunog, nagakadapat nga tapson ang mga hilamon kag indi na pagpabay-an pa nga magtaas bangud ini ang nagapadasig sa pag-ibwal sang kalayo.
Suno kay Sampiano, delikado subong nga tig-ilinit bangud madasig nga nagamakot ang kalayo sa mga hilamon.
Nahibaluan nga 24 ang grass fire nga na rekord sang BFP sa bulan lamang sang Marso.
