Ginkalipay sang Bureau of Fire Protection (BFP) Region VI nga gin-aprubahan na bilang layi ang Republic Act No. 11589 ukon Republic Act No. 11589 BFP Modernization Law.
Ang nasambit nga layi ang nagatuyo nga ma-authorize ang kapin 2,000 ka firefighters ukon bombero kag mahatagan sang government-issued firearms.
Katuyuan man sini nga mapalapad ang gahom kag function sang BFP kalakip na diri ang pagtukod sang regional fire laboratories, research kag testing facilities, kag pagbakal sang modern fire equipment.
Sa interview sang Bombo Radyo kay BFP 6 Regional Director Fire Senior Supt. Atty. Jerry Candido, iya ginpahayag nga masobra 30 ka-tuig na nila ginapanawagan agud mapatuman ini nga layi kun sa diin nagakadapat mahatagan sang personal nga armas ang mga katapo sang BFP partikular ang mga imbestigador.
Suno kay Candido, dako nga risgo sa kabuhi sang mga imbestigador ang pag-atubang sa mga suspek nga indi mapaktan ang masunod nga hulag sa tion sang fire operation.
Mangin siya sadto ang nakaeksperyensya man nga matayaan sang kutsilyo kag iban pa nga armas sang nangin isa man siya ka imbestigador.
Pahayag ni Candido, ini ang rason kun ngaa tuman ka bentaha nga may yara sang kaugalingon nga armas ang mga imbestigador sang BFP agud nga indi makompromiso ang ila pagpakig-away sa kalayo sa kada operasyon nga ginapatigayon.
Sa rehiyon VI suno sa natungdan, may mga pangalan na sila nga ginpasa halin sa kada fire station nga eligible sa pag-angkon sang government issued firearms.
