ILOILO – Nagpangayo sang bulig ang Bureau of Fire Protection kay Iloilo Governor Arthur Defensor Jr. agud nga maka-angkon sang duta nga pahamtangan sang fire station ang tagsa ka banwa sa probinsya sang Iloilo.
Sa interview sang Bombo Radyo kay Provincial Fire Marshall Supt. Lester Kenneth Gimotea, iya ginpahayag nga sa 42 ka mga banwa, ang San Dionisio ang wala sang fire station kag wala man sang fire truck.
Suno kay Gimotea, santo sa record sang Bureau of Fire Protection, ang banwa sang Tigbauan kag Sta. Barbara ang may yara sang fire station apang naga-squat lang sa duta nga indi iya sang Bureau of Fire Protection.
Ginpahayag ni Gimotea nga ang Alimodian, Anilao, Banate, Barotac Nuevo, Barotac Viejo, Batad, Cabatuan, Dueñas, Estancia, Igbaras, Janiuay, Lambunao, Leganes, Maasin, Pavia, San Joaquin, Sara lakip na ang San Dionisio ang wala sang fire station.
Kun tani suno kay Gimotea, mapainan sang pondo sang Local Government Unit ang pagpatindog sang fire station.
