ILOILO CITY-Padayon ang regular nga pagpatawag sang Iloilo City Government sa mga opisyal sang barangay agud istoryahan ang kampanya batok sa COVID-19 sa ila tagsa ka lugar.
Sa interview sang Bombo Radyo kay Iloilo City Mayor Jerry Treñas, iya ginpahayag nga magluwas sa barangay officials, ginatipon man ang tanan nga Barangay Health Workers, Barangay Service Point Officer, kag Day Care Workers para sa isa ka community effort.
Suno kay Mayor Treñas, nangin epektibo ang kampanya sang syudad paagi sa kooperasyon sang mga barangay.
Dugang pa sang alkalde, apisar wala pa na flatten ang curve, maayo nga patimaan ang amat-amat na nga pagnubo sang kaso sang COVID-19 sa syudad.
