Nagdangat na sa 29 ka mga tawo ang narekord nga napatay sa Bicol region bangud sa severe tropical storm Kristine.
Base sa record sang Philippine National Police (PNP), may yara man ang siyam nga nagkalapilasan kag apat nga missing.
Lakip sa narekord nga patay amo ang mga biktima sang pagkalumos sa Camarines Norte (1), Camarines Sur (3), Sorsogon (1), kag Naga City (12). Apat naman ang ginbawian sang kabuhi sa Albay kag Catanduanes bangud sa pagtiphag sang duta.
Ang iban nga mga insidente ang tuga sang aksidente sa Catanduanes, isa sa asbate matapos natumbahan sang kahoy, isa ang nakuryente sa Camarines Norte, kag isa ang na-cardiac arrest samtang nagabagyo sa Naga City.
Ginalantaw nga madugangan pa ang numero sang fatalities bangud nagapadayon pa ang search and rescue efforts sa nagkalain-lain nga parte sang rehiyon.
Santo sa alas singko sa hapon nga advisory sang state weather bureau, nakaguwa na si Bagyo Kristine sa Philippine area of responsibility apang magatinir ini gihapon sa West Philippine Sea subong nga weekend.
Base sa report sang Department of Social Welfare and Development, masobra na sa 3-million ka mga Pilipino ang apektado sang amo nga bagyo sa Pilipinas.#
