ILOILO CITY – Ginlunsyar sang Iloilo Police Provincial Office ang BIDA (Buhay Ingatan, Droga’y Ayawan) Tour de Iloilo.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga duha ang major component sang amo nga programa.
Ini nga programa nga may tema nga “Sikad Kontra Droga kag Tanum para sa Probinsiya” ang may katuyu-an nga mapabaskog ang anti-illegal drugs campaign sang kapulisan kag ma-promote ang environmental awareness.
Magluwas sini, katuyu-an man sini nga ma-promote nga healthy lifestyle kag mapabaskog ang partnership sa kumunidad.
Ang ini nga programa ang gina-updan sang mga kapulisan, mga civilian cyclists, kag mga youth volunteers.
