Gin-akusahan ni US President Donald Trump ang iya kasumpong sa presidential elections nga si Joe Biden nga may gina-inom nga bulong agud mapauswag ang iya performance sa mga debate.
Suno kay Trump, may yara sang pinasahi sa mga atake sang iya Democratic opponent kun basehan ang Democratic primary season debates.
Sang una suno kay Trump, isa ka “disaster” kag “grossly incompetent” si Biden kun yara sa stage apang “ok” na ini sa iya one-on-one debate batok sa ila leftist rival nga si Bernie Sanders.
Liwat man nga nagpanidugan si Trump nga kinahanglan ipaidalom sa drug test si Biden antes ang ila una nga presidential debate sa Setyembre 29 sa Cleveland, Ohio.
Suno kay Trump, siya mismo ang magapaidalom man sa drug test.
Nahibaluan nga binulan na nga ginapanawagan sang 74 anyos nga si Trump nga may yara sang mental decline ang 77 anyos nga si Biden.
