Gintawag nga “reckless” ni US Presidential Candidate Joe Biden si US President Donald Trump bangud sa pagdumala sini sa COVID-19 pandemic kag pagdeklara sang presidente sang iya kadalag-an.
Suno kay Biden, kun siya ang mangin mapalaron nga magdaog bilang Presidente sang Estados Unidos, himuon niya ang tanan nga masarangan agud matapos na ang pandemya.
Ginpahayag man sang US Presidential candidate nga bangud sa pagpatigayon ni Trump sang rally sa Omaha, Nebraska, madamo ang gintugnawan kag madamo ang nadugayan nga makasakay sa bus.
Ang malala pa suno kay Biden nga may pila ka mga Americans ang gindala sa ospital.
Dugang pa sang natungdan, daw kaangay nga ginapabay-an lang ni Trump nga mag-antos ang mga tawo bilang konsekwensya sang iya kapaslawan nga mahimo ang iya katungdanan bilang Presidente.
