ILOILO CITY-Wala pa sang kapat-uran kun maangkon ni US President Donald Trump ang kadalag-an sa estado sang North Carolina nga makabig krusyal sa iya pagtinguha nga masekyar ang electoral college majority samtang nagahilapit ang eleksyon sa Nobyembre 3.
Suno kay Bombo International Correspondent Father Archie Tacay direkta sa North Carolina, iya ginpahayag nga apisar isa ka republican state ang North Carolina sa diin madamo sang pro- Trump, indi pa maathag ang iya kadalag-an sa amo nga estado.
Suno kay Tacay, sa subong, base sa latest poll, nagapanguna si Democratic Presidential candidate Joe Biden.
Nabihaluan nga sang eleksyon sang 2016, nakuha ni Trump ang kadalag-an batok kay Hillary Clinton sa North Carolina nga may yara sang 15 electoral votes.
Ginpaathag naman ni Father Tacay nga ang US Elections 2020 ang indi lang para sa presidente bangud nalakip man ang pag-elihir sang mga district senators,congressmen, kag mga local position.
