Naghatag sang iya mensahe sa atubang sang mga world leaders sa pinakaulihi nga kahigayunan si United States President Joe Biden sa 79th Session sang United Nations General Assembly.
Sa atubang sang 193-member UN General Assembly, isa sa ginhatagan niya sang importansya ang posibilidad sang pag-angkon sang kalinong ilabi na sa Middle East.
Suno sa iya, posible gid nga masolbar ang mga kinagamo kaangay sang nagapatunga sa Israel kag Hezbollah sang Lebanon kag amo man batok sa Hamas.
Tion naman suno sa iya nga tapuson ang 17 ka bulan nga civil war sa Sudan.
Pahayag niya, ang ano man nga full scale nga giyera ang wala gin sa interes sang bisan sin-o kag apisar nagsingki pa gid ang tensyon, indi gihapon imposible nga may madihon nga solusyon.
Samtang, ginpanawagan naman sini ang padayon nga Western support para sa Ukraine sa giyera batok sa Russia.
