Ginsugata sang protesta ang convoy ni President Ferdinand “Bongbong” Marcos Jr. sang nagpadulong ini sa White House agud magpakigkita kay US President Joe Biden.
Lakip sa ginsinggitan sang mga protesters nga Pinoy amo ang untatan ang pagbaligya sang Pilipinas sa Amerika kag ibasura ang visiting forces agreement, ang Enhanced Defense Cooperation Agreement ukon ang EDCA, kag ang Mutual Defense Treaty sa tunga sang duha ka pungsod.
Ginsinggitan man sang protesters nga tapuson ang ginpahayag pagsunod-sunod sang administrasyon sang Pilipinas sa imperyalismo sa Amerika; kag ginhingyo man sa presidente nga ipakigbato man ang soberanya sang Pilipinas.
Nag-abot sanday President Marcos kag First Lady Liza Marcos sa White House pasado las dos sa kaagahon oras sa Pilipinas samtang pasado ‘las dos sang Lunes sang hapon naman oras sa Washington, D.C.
Sa amo nga bilateral talk, ginpasalig ni Biden nga magapadala ini sang first-of-its-kind nga trade and investment mission sa Pilipinas.
Wala pa sang dugang nga detalye nga ginhatag ang White House kag ang Presidential Communications Office sa amo nga nga pahayag ni Biden.
Una naman nga ginpahayag nga may istoryahan man kaangot sa climate change kag kun paano mapabaskog ang economic kag political cooperation.
