Balik na sa Pilipinas umpisa subong nga adlaw ang big men sang Gilas Pilipinas nga naghampang para sa Japan B. League.
Ini amo sanday Kiefer kag Thirdy Ravena, Dwight Ramos, kag Ray Parks.
Maga-reinforce sila sa national team para sa fifth window sang FIBA World Cup Asian Qualifiers sa bulan sang Nobyembre.
Ang nasambit nga B. League stalwarts ang mahatagan sang masobra isa ka semana nga makaupod ang iban nga myembro sang Gilas Pilipinas antes mag-arangka ang hampang sang pungsod batok sa Jordan sa November 10 kag batok sa Saudi Arabia sa November 13.
Suno anay sa head coach nga si Chot Reyes, makabig nga kumpleto na ang national team kun makaabot na ini sa Jordan bangud ginahulat pa si Kai Sotto.
Sa Australia pa subong si Sotto bangud nagahampang ini sa team sang Adelaide 36ers sa National Basketball League.
Apisar gamay lang ang tion sang preparasyon sang big men sang Gilas, wala sang mangin problema sa adjusting para sa B. League standouts suno kay Reyes bangud nakahibalo na sila sa pasikot sikot sa team.
