ILOILO CITY – Gindula ni Iloilo Provincial Disaster Risk Reduction ang Management Office (PDRRMO) head Gerry Bionat ang kahangawa sang mga pumuluyo sa isla sang Panay sa ginapahayag Big One ukon ang magnitude 7.2 nga linog nga posible mag-igo sa Metro Manila kag kalapit nga kaprobinsiyahan bangud nga luto na ang Marikina faultline.
Suno kay Bionat, sa ti-on nga magluntad ang kaangay nga linog, mabatyagan ini sa Panay apang indi tuman ka baskog.
Mahimo suno sa PDRRMO chief nga magnitude 3 tubtob 4 ang mabatyagan sa isla sang Panay kun mag-igo ang Big One.
Ginpahayag eksklusibo sa Bombo Radyo ni Mr. Bionat ang resulta sang ila pagtuon nga 16 miles per second ang ginadalagan sang seismic wave sa ti-on nga maglinog pero ginpasalig nga wala sang dapat kahangaw-an sa Big One.
Kuntani man suno kay Bionat, indi na maglapos sa Negros trench sa ti-on nga maghulag ang Marikina faultline.