Magapanghakroy na naman ang mga motorista sa masunod nga semana bangud sa ginapanan-aw nga ipatuman nga big-time nga oil price hike!
Suno kay Department of Energy-Oil Industry Management Bureau Assistant Director Rodela Romero, base sa pagbanta sang oil industry nga nagbase sang datos sa oil trading sa nagligad nga apat ka adlaw, yari ang posible nga hulag sa presyo:
* Diesel- magasaka sang P0.65 – P0.85 kada litro
*Gasolina – magasaka sang P1.95 – P2.10 kada litro
* Kerosene – magasaka P0.20 – P0.30 kada litro.
Ginaangot gihapon ini nga adjustments sa presyo sa nagatabo ukon developments sa international oil market.
Pananglitan ipatuman na ini sa Martes, Enero 30, ini na ang ikaapat nga sunod-sunod nga semana nga may saka sa presyo sang produktong petrolyo.#
