Atensyon sa mga motorista!
Epektibo na subong nga Martes, Marso 8, ang tuman ka daku nga pagtaas sa presyo sang produktong petrolyo.
Pila ka mga oil companies ang nagpaguwa na sang abiso may kaangtanan sa price hike:
- P3.60 ang saka sa kada litro sang gasolina
- P4.10 ang saka sa kada litro sang kerosene
- kag P5.85 sa kada litro sang diesel
Ini na ang ika-napulo nga semana sang asud-asud nga pagtimbuok sang presyo sang gatong sa pungsod.
Apang suno sa Department of Energy (DOE), wala sang problema sang suplay sang fuel products nga nagasulod sa pungsod.
Pila sa gintumod nga mga rason sang pagsaka sang presyo sang gatong sa world market subong nga semana amo ang diskusyon nga dumilian na ang Russian crude oil sa Estados Unidos kag sa Europa.
