Epektibo na subong nga adlaw ang bigtime oil price rollback!
Ang diesel ang maganubo sang P2.45/L; ang gasolina ang mabuhinan sang P3.05/L; kag ang kerosene ang maganubo sang P3.00/L.
Ang pagnubo sa presyo sang produktong-petrolyo ang bangud sa pagbaskog sang dolyar kag pagnubo sang demand kadungan sang pagsaka sang interest rates sang dalagku nga mga pungsod halin sa Estados Unidos kag Europa.
Gin-athag sang Department of Enery nga wala pa man sang epekto sa presyo ang natabo nga gyera sa tunga sang Israel kag Hamas apang posible nga magluntad ang geopolitical tension pananglitan maglala pa ang sitwasyon nga pwede makaapekto sa supply kag presyo sang produktong petrolyo.
Indi pa subong maathag sang ahensya kun magpadayon ang price rollback kaangay sang pag-asud-asud sang price hike sang nagliligad nga mga sinemana.
