Nakapiyansa na ang lalaki nga nagpakilala bilang Bikoy sa kontrobersyal nga video nga “Ang Totoong Narcolist” matapos nga mapreso sa kaso nga cyberlibel.
Natigayon nga makaguwa si Peter Joemel Advincula sa diin nakapiyansa ini balor P10,000.
Ang negosyante nga si Zaldy Co ang nagpasaka sang kaso nga cyberlibel batuk kay Advincula bangud sa pag-ulamid sa iya sa kontrobersyal nga video.
Nahibaluan nga ginatudlo ni Advincula ang oposisyon nga nagsugo sa iya nga maghimo sang video agud pagguwaon nga malain si Presidente Rodrigo Duterte kag iban pa nga malapit sa presidente.
Bangud sini, ginpasakaan sang sedition kag iban pa nga kaso sang Philippine National Police Criminal Investigation and Detection Group sanday Vice President Leni Robredo, Senators Risa Hontiveros kag Leila de Lima, anay senator Antonio Trillanes IV, opposition senatorial candidates sang May elections, myembro sang simbahan kag iban pa.
