Naghibi si anay Bureau of Customs (BOC) intelligence officer Jimmy Guban kadungan sang House quad committee hearing matapos nakit-an sini si dismissed Colonel Eduardo Acierto nga nagtambong sa imbestigasyon paagi sa Zoom.
Kun matandaan, si Guban mismo ang nag-tag kay Acierto nga amo ang tawo sa likod sang pag-smuggle sang 355 kilograms sang shabu nga nakatago sa steel magnetic lifters sang 2018. Nakalusot ang droga sa inspeksyon sang Customs matapos nag-abot sa Manila International Container Terminal sang Agusto sang amo nga tuig.
Apang sang gin-conduct na ang quad comm hearing, naglain na ang tono ni Guban kag ginbawi sini ang akusasyon kay Acierto.
Ginbulgar sini nga si Davao City Rep. Paolo “Pulong” Duterte kag bana ni Vice President Sara Duterte nga si Mans Carpio ang nangin kabahin sang conspiracy. Gin-alegar man sini nga gin-pressure lamang siya nga taguon ang pangalan sang mga Duterte kag mga kaalyado nila sang amo nga tion.
Sang nagbalik ini sa quad comm, ginsiling ni Guban nga malipayon siya nga buhi pa sila.
“Galit po at tuwa dahil kaming dalawa [Acierto] pareho pang buhay, hindi ho dahil sa pagkanulo. Kung ‘di dahil sa sindikato, sa mafia ng Davao na kami ang biktima. Pasalamat kami sa Diyos, pareho kaming buhay,” sabat sini sang ginpamangkot kun nga naghibi siya.
“Ilan ang namatay dahil diyan sa Davao mafia and their purpose to save the queen in order to become the next president. That is how ganun nila ginawa. Lahat patayan,” dugang sini.
Indi pa klaro kun sin-o nga ‘queen’ ang ginatumod ni Guban bangud gin-utod ni quad comm overall chairman Robert Ace Barbers ang iya emosyonal nga speech.
Ginpahanumdom ini ni Barbers nga indi tiyempo ang hearing agud nga i-ere ang kaangay sini nga mga sentimyento.
“We did our best your honors para kami ay makatulong sa bayan. Pero ang sinapit namin… Siya may patong sa ulo. Ako hanggang ngayon nakakulong sa National Bilibid Prison,” pahayag ni Guban.
ACIERTO
“Matagal na kaming hindi naguusap ni Jimmy Guban. Ako po ay nagpapasalamat sa kanya at sinabi niya ang totoo. Wala po akong galit sa kanya dahil alam ko pareho kaming biktima,” sabat naman ni Acierto sang nakit-an si Guban sa quad comm.
“Salamat at tinama mo. Salamat at sinabayan mo akong ilabas ang katotohanan. Wala akong galit sa iyo. Siguro tampo lang pero wala na yun… Sabi ko nga sa’yo, trabaho lang tayo pero binangga natin yung nasa taas,” dugang sini.
Gintudlo ni Acierto si former President Rodrigo Duterte nga amo ang protektor sa suspected drug lords nga sanday Michael Yang kag Allan Lim.
Ginpasa sini ang intelligence report sang 2017 nga nagadetalye sang involvement nanday Yang kag Lim sa illegal drug trade apang gin-alegar nga wala ini ginsapak sang high-ranking officials.
Si Yang amo ang former economic adviser ni Duterte, samtang si Lim nga kilala man nga si Lin Weixiong ang ginaalegar nga suod nga abyan sang anay presidente.
Ginpahayag pa ni Acierto nga siya kag ang iya team ang ginbalusan sang 2019 sang gin-abduct ang kaupod sini nga si Police Captain Lito Perote kag ginpatay naman si MSgt. Gerry Liwanag sang 2021.#
