Biktima nga maswerte nga nakaluwas sa pagpangluthang, yara na sa secured nga lugar; lima ka mga suspects, ginatudlo nga utok sa likod sang krimen

LEGANES, ILOILO – Yara na sa secured nga lugar ang biktima nga maswerte nga nakaluwas matapos nga ginluthang sa Barangay Calaboa, Leganes, Iloilo sang Marso 26, 2023.

Ang biktima amo si Glen Paloma, 29, kag residente sang Barangay Aganan, Pavia, Iloilo.

Si Paloma ang nasapwan sang mga pumuluyo sang lugar nga may higot ang mga kamot kag tiil, kag pilas sa lawas nga tuga sang pagkatiro.

Sa interview sang Bombo Radyo kay Police Major Rolando Araño, spokesperson sang Iloilo Police Provinvial Office, iya ginpahayag nga may yara sang lima ka mga suspek nga ginsaysay ang biktima, apang indi pa mahingadlan.

Suno kay Araño, ginapadalman pa sang mga kapulisan ang motibo sa pagpangluthang.

Matandaan nga suno sa natungdan, may yara sang background si Paloma kaangot sa iligal nga droga sang 2016 kag natigayon nga nakagwa sang 2022 bangud sa plea-bargaining agreement, apang nagbalik liwat sa bisyo nga pag-gamit sang iligal nga droga.