ILOILO CITY– Makapila na ka beses nga nagtuyo nga maghikog ang biktima nga nagbitay sang iya kaugalingon gamit ang shoe lace sa zone 12 Calaparan Arevalo Iloilo City.
Ang biktima ang ginkilala nga si Kirwyn Barcebas, 43 anyos, kag residente sang nasambit nga lugar.
Sa interview sang Bombo Radyo sa iloy sang biktima nga si Enrequita Barcebas, iya ginpahayag nga ang una nga pagtuyo sang iya anak nga maghikog ang kuntani paglumpat sini sa ceres, samtang ang ikaduha naman amo ang paglaslas sini sang pulso kag liog sa diin, nadala pa ini sa ila pag-istorya rason nga wala nadayun.
Suno sa iloy nga Barcebas, nagsag-ob ang iya bana kag gintawag sini ang biktima apang wala nagsabat kag sang ginkadtuan ini,. didto na kag nakita nga nagabitay kag wala na sang kabuhi si Kirwyn.
Wala naman nagakaon ang iya anak suno sa natungdan, bangud ginbayaan ini sang iya tiayun kag ang ila mga kabataan ang yara sa pag-inakop sang katiyaan sang babayi.
