Iloilo – Wala sang derogatory record sa Barangay Ticud, La Paz, Iloilo City ang isa sa mga napatay sa shooting incident kahapon sa banwa sang Pavia, Iloilo.
Ang napatay amo si Michael Quizon, 31, kag residente sang Barangay Ticud, La Paz, Iloilo City.
Sa interview sang Bombo Radyo kay Punong Barangay Joel Jaboneta, iya ginpahayag nga nagatrabaho sa construction si Quizon kag maayo istoryahon.
Suno pa kay Jaboneta, sa iya pag-monitor, wala sang kaabyanan si Quizon nga nagabisita sa iya.
Dugang sang natungdan, walo na ka bulan ang nagligad matapos nga wala na niya nakit-an si Quizon sa lugar.
