ILOILO CITY – Makabig nga notoryos nga kawatan kag snatcher ang biktima sang 2012 summary execution sa syudad sang Iloilo kun sa diin naangot ang duha ka kalibre nga armas nga gingamit sa twin shooting incident sang damlag lang.
Sa interview sang Bombo Radyo kay Police Senior Master Sergeant Freddie Tubola Jr., anay imbestigador sang Arevalo Police Station, iya ginpahayag nga siya ang nagpangusisa sa kaso sang pagpatay kay Mishyryhm Occillo sa Brgy. Sooc sa distrito sang Arevalo.
Suno kay Tubola, sa iya initial investigation, Abril 17 gin report nga nadula si Occillo kag pagkasunod nga adlaw, nasapwan ang bangkay sang biktima nga may tabon nga plastic bag ang ulo, may busal ang baba kag nakabaklid ang kamot.
Ginpahayag ni Tubola nga santo sa record, makapila na ka beses nga napreso si Occillo apang indi na niya matandaan ang iban pa nga detaalye.
Sa pagkamatuod suno sa anay imbestigador, makabig nga uncooperative ang pamilya sang biktima rason nga wala sang major development sa kaso.
Nahibalu-an nga santo sa ballistic examination kag cross matching, nagsanto ang .45 caliber pistol kag .9mm pistol nga gingamit sa pagpatay kay Occillo kag sa mga biktima sang twin shooting incident nga sanday Alain Muller kag Delfin Britanico.
