ILOILO CITY – Tatlo ka mga biktima sang motorcycle riding suspects ang na rekord sang Arevalo Police Station.
Sa interview sang Bombo Radyo kay Pol. Lt. Benjie Balajera, hepe sang Arevalo PNP, iya ginpahayag nga ang tatlo ka mga na rekord ang humalin pa sang 2017 tubtob subong nga tuig.
Duha sa mga kaso ang napasaka na apang ang isa ang padayon nga gina-imbestigahan.
Nahibaluan nga ang isa sa mga biktima amo si Patrolman Dorben Acap Jr. kag ang suspek amo si Pol. Corporal Melvin Mocorro nga napasakaan na sang kaso nga frustrated murder.
Suno kay Balajera, wala pa sang impormasyon ang Arevalo PNP kun sa diin na sa subong si Mocorro.
Dugang pa sang natungdan, nagakabudlayan man ang mga kapulisan nga mahibaluan ang mga suspek bangud wala sang testigo.
