Ginatapos na ang Bilateral Labor Agreement sa tunga sang Pilipinas kag Russia.
Suno kay Department of Labor and Employment Secreyary Silvestre Bello III, sa tion nga matapos ini mas mahatagan na sang proteksiyon mga Overseas Filipino worker sa nasmabit nga pungsod.
Dugang sang natungdan, ini bangud sa nagapadayon nga pagsaka sang demand sang mga skilled kag semi skilled workers sa Russia.
Nahibaluan nga nagdangat sa 1,000 ka mga OFW ang nagparehistro sa Overseas Worker Welfare administrationn.
Ang nagparehistro makabaton sang libre nga skills training, scholarship para sa ila mga kabataan kag iban pa nga programa.
Suno naman sa Malacañang dako ang mabulig sang kada Labor deal sang Pilipinas sa iban nga pungsod indi lang para mga OFW lakip man sa aton nga ekonomiya.
