Ginkalipay ni Iloilo City Councilor Miguel Treñas ang madinalag-on nga bile duct operation sang iya amay nga si Iloilo City Mayor Jerry Treñas.
Sa interview sang Bombo Radyo kay Councilor Treñas, iya ginpahayag nga nangin tayuyon man ang nangin dalagan sang operasyon kon sa diin, nangin positibo man ang resulta.
Suno kay Treñas, sa subong, wala na sang problema sa ikaayong-lawas ang alkalde kag naga-recover naman ini.
Ginpahayag man sini nga naglawig sang duha ka oras ang operasyon antes ini natapos.
Nagpadulong naman sa Manila ang pila ka mga pamilya ni Mayor Treñas agud nga kumustahon kag bisitahon ang alkalde.
