Ginatudlo nga nag-ugat ang resignation sang American business magnate nga si Bill Gates bilang kabahin sang board of directors sang Microsoft sang 2020 matapos nga nag-hire ang board sang law firm agud ma-imbestigahan ang romantic relationship sini sa isa ka Microsoft employee.
Ini ang base sa report nga ginpaguwa sang Wall Street Journal.
Ginapahayag sang Microsoft engineer nga may yara sila sang sexual relationship ni Mr. Gates sa sulod na sang pila ka mga tuig.
Suno sa Journal, sang nagadalagan ang imbestigasyon, pila sa mga board members ang nagdesisyon nga wala na nagakabagay si Mr. Gates nga magpungko bilang director sang software company nga iya gin-umpisahan kag ginpamunuan sang pila na ka dekada.
Kag nagresign na lang ini pahayag sang Journal sang nakumpleto na ang imbestigasyon.
Ang empleyado ang wala na ginpangalanan pa.
Samtang ginkumpirma naman sang spokesperson sang Microsoft nga nakabaton sila sang concern sang 2019 nga si Mr. Gates kag ang nasambit nga empleyado ang may yara sang relasyon humalin pa sang tuig 2000.
Dugang pa niya, 20 ka tuig man nga nagkarelasyon ang business magnate sa iya empleyado, apang malinong man ini nga natapos.
Gintuad man sang spokesperson nga ang pagresign ni Mr. Gates ang wala sang kaangtanan sa natabo sa iya personal nga kabuhi.
Nahibaluan nga sang damlag lang, nagfile sang divorce si Melinda Gates , tiayon ni Bill Gates kag co-founder sang The Bill and Melinda Gates Foundation.
Nahibaluan nga si Bill Gates ang isa sa pinakamanggaranon nga tawo sa bilog nga kalibutan.
Ang iya nga net worth ang nagadangat sa $144 billion ukon P6.9 trillion base sa Bloomberg Billionaires Index ranking.
