ILOILO CITY – Nakatalana nga magpaidalum sa inspeksyon sang city government ang isa ka bilyaran sa Brgy. Bolilao, Mandurriao, Iloilo City.
Ini kasunod man sa ginapahayag nga may natabo nga pustahanay apisar nga wala permit ang amo nga bilyaran.
Sa interview sang Bombo Radyo kay Norman Tabud, Head sang Business Permits and Licensing Division, iya ginpahayag nga kasunod sang matumod nga wala sila sang business permit, sang myerkules nga adlaw, gilayon nga nagpasa sang permit ang bilyaran.
Suno kay Tabud, ang pag-operate sang bilyaran apisar nga wala sang permit ang soft launch lang kontani suno sa tag-iya.
Ginpahayag man sini nga apisar nga ipasirado, sarang sa gihapon sila nga magbukas kon makapasa sang kinahanglanon nga mga regulatory requirements sang city government.
Ginatugyan naman sang natungdan sa kapulisan ang pag-imbestigar sa natabo sa bilyaran sang nagligad nga semana, kon sa diin, napuwag ang mga nagalantaw bangud sa may nagsinggit ngab “raid”.
Gin-athag man ni Tabud nga ang ila grounds amo ang sa bahin lamang sang permit sang bilyaran.
Nahibaluan nga nakadependi sa recommendation kag gravity sang ila bayolasyon kon dalayon nga siraduhon ang nasambit nga bilyaran.
