Ang kuwarta masami naton ginapangabudlayan agud kita maka-angkon man sang kalipayan.
Apang paano kun isa ka-adlaw matukiban mo nga may nagapanagtag lang sini?
Indi bala tinguhaan mo man nga makakuha sang ini nga grasya?
Ini ang natabo sa mga follower sa social media sang isa ka Japanese nga si Yusaku Maezawa.
Si Maezawa ang isa ka bilyonaryo kag founder sang pinakadako nga retail website sa Japan.
Sa iya Twitter, nagpanghangkat si Maezawa sa iya nga post nga managtag ini sa iya followers sang kapin P500,000,000 sa isa ka libo nga magre-tweet ukon magre-post sang iya challenge sa sulod sang isa ka semana.
Ini nga eksperimento ang nagatuyo nga mahibaluan ni Maezawa kun mabakal gid man bala ang kalipay sang tawo.
Sa ulihi natalupangdan ni Maezawa nga nagdangat sa 4.5 million ang mga tawo nga nagre-tweet sang iya nga challenge sa sulod lamang sang isa ka-adlaw.
