BINGAWAN, ILOILO – Ginpa-idalom na sa Enhanced Community Quarantine ang banwa sang Bingawan, Iloilo umpisa subong nga adlaw Hulyo 13.
Ini matapos maka-rekord sang 6 ka mga kaso sang COVID-19 ang banwa nga ginalakipan nanday;
WV 491 – 59 anyos, babaye -Home Quarantine
WV 492 – 32 anyos, lalaki – Facility Quarantine
WV 49 – 31 anyos, babaye – Facility Quarantine
WV 494 – 34 anyos, babaye – Home Quarantine
WV 495 – 29 anyos, babaye – Facility Quarantine
WV 496 – 33 anyos, lalaki – Home Quarantine
Suno Mayor Mark Palabrica, ang mga nagpositibo sa nasambit nga balati-an ang lunsay mga personnel sang Rural Health Unit.
Gin-manduan na sang alkalde ang mga barangay officials sa Bingawan nga mag-isyu sang quarantine pass sa mga pumuluyo.
Pahayag niya, isa lang sa kada pamilya ang hatagan sang quarantine pass kag mahimo nga makaguwa sa balay agud magbakal sang pagkaon kag bulong.
Kun may mga emerhensya ukon concern dugang pa sang alkalde, mag-contact lang sa 0942-271-8954.
Ang munisipyo kag rural health unit sang banwa ang siraduhan man umpisa subong tubtob Hulyo 15 agud makapatigayon sang disinfection.
