Ginapyestahan sang netizens ang mga litrato nga gin-post nanday BINI Jhoanna kag sang rapper-songwriter nga si Skusta Clee matapos nanostisyaran nga pareho ang mga lugar sa Vietnam nga ila nga gin-flex.
Na-intriga ang fans kun magkaupod sila sa amo nga pungsod.
Pareho nga tourist attractions ang yara ila tagsa ka social media account nga amo ang Temple of Literature, Old Quarter, kag Hoan Kiem.
Nagdugang man sa espekulasyon sang netizens ang cryptic post ni Jho sa X nga nagasiling: “2026 — I choose my own happiness – without guilt, without explanation.”
Gin-repost man ni BINI Jhoanna ang reply niya sa isa ka Bloom sang October 2025 sang ginpamangkot siya nga, “Hi Jho! You’ve inspired so many people with your passion. What keeps your heart strong and motivated through all the challenges?”
Sabat naman ni Jhoanna: “What keeps my heart strong is knowing that God knows my heart.”
Bisan nga madamo na nga netizens ang naglukso sa konklusyon nga naga-date ang 21-anyos nga P-Pop star kag ang 29-anyos nga rapper, madamo naman ang nagdepensa kay Jhoanna.
May yara naman sang nagapanawagan sa BINI leader nga i-debunk ang isyu.
Si Skusta amo ang anay karelasyon sang vlogger nga si Zeinab Harake nga subong misis na sang Filipino American basketball player nga si Bobby Ray Parks, Jr. Una na nga ginbulgar ni Zeinab ang mga pagpangbabaye ni Skusta nga amo ang nagguba sang ila nga relasyon.
