Nagdala sang bugal sa Pilipinas ang girl group nga Bini kasunod sang multiple nominations sini sa 2025 Jupiter Music Awards.
Isa ini ka prestigious recognition sa idalom sang Asian Television Awards.
Na-nominate ang BINI sa lima ka kategorya lakip na ang Female Group of the Year kag Album of the Year para sa BINIverse. Magluwas diri, may triple nods ang grupo sa ila nga hit track nga “Cherry On Top (BINIMo Remix feat. AGNEZ MO)” nga nagtupa naman sa Song of the Year, Collaboration of the Year, kag Music Video of the Year.
Mahimo makabulig ang Blooms sa pagdaog sang BINI paagi sa pagboto sa preliminary round halin sa July 18 to Aug. 1 kag sa final round halin sa Aug. 8 to 29.
