“The Search is On” para sa masunod nga Binibining Pilipinas queens!
Gin-anunsyo sang pageant organizers nga nagabaton na sila sang application para sa 2025 national pageant umpisa kahapon, Marso 5, kag magalawig tubtub sa Marso 21.
Mahimo ma-download ang form halin sa Binibining Pilipinas website kag sarang mapasa ang na-fill out nga documents sa Binibining Pilipinas Charities, Inc. Office sa Quezon City ukon via email sa BPCI@aranetagroup.com
61 ka tuig na ang Binibining Pilipinas kag amo ang ginakabig nga longest-running national beauty pageant.
Nakahimo sang pangalan ang Pilipinas bilang most successful Asian country sa Miss Universe kag Miss International pageants bangud man sa Binibining Pilipinas.
Lima ang na-produce sini nga Miss International winners lakip sanday Aurora Pijuan, Melanie Marquez, Precious Lara Quigaman, Bea Rose Santiago, kag Kylie Verzosa.
Apat naman ang Miss Universe winners nga sanday Gloria Diaz, Margie Moran, Pia Wurtzbach, kag Catriona Gray antes ginsaylo ang national franchise sa Miss Universe Philippines nga subong ginapangunahan na sang former titleholder nga si 2013 Binibining Pilipinas Ariella Arida.
Isa man ka Miss Supranational winner ang produkto sang Bb. Pilipinas nga si Mutya Datul samtang sanday Ann Colis kag Maureen Montagne ang nagdala pauli sang The Miss Globe crowns.
Duha naman ang Miss Intercontinental winners nga sanday Karen Gallman kag Cinderella Faye Obeñita.
