ILOILO CITY– Nakumpiska sang katapo sang Bureau of Internal Revenue kag sang Criminal Investigation and Detection Group ang 715 ka rims ukon 7,150 ka kaha sang mga peke nga sigarilyo sa ginpatigayun nga raid sa Brgy.Tabuc Suba, La Paz, Iloilo City.
Sa interview sang Bombo Radyo kay Imelda Boniva, isa sa mga nadakpan, iya ginpahayag nga may yara sang ahente nga nagalibod sang mga sigarilyo sa barato presyo, rason nga na-engganyo man siya nga magbakal.
Suno kay Boniva, ang isa ka rim sang sigarilyo nga ginbakal niya ang nagabalor sang P150.00 gid lamang.
Gintuad man ni Boniva nga santo sa mga naka-uniporme nga ahente, daan ang packaging sang sigarilyo, rason nga mas barato ini kun ipaanggid sa kinaandan nga presyo.
Wala man siya nakahibalo suno sa iya nga peke ang sigarilyo nga ginbaligya sa iya.
Ginhatagan naman siya sang warning sang mga operatiba kag ginkumpiska ang peke nga mga sigarilyo.
Sa subong, padayun pa nga ginapangita sang otoridad si certain Tony Chua, ang ginapahayag source sang peke nga mga sigarilyo.
Nahibaluan nga una nga nagpatigayun sang raid ang team sa Zone 5, Barangay Divinagracia, sa nasambit nga distrito, apang negatibo ang impormasyon.
