Ginademand na sang Bureau of Internal Revenue (BIR) nga kolektahon kag pabayaran sa pamilya Marcos ang ila estate taxes nga utang sa Pilipinas suno kay Finance Secretary Carlos Dominguez III.
Nahibaluan nga nauna na ginpahayag sang BIR nga nakapadala na sila sang written demand sa mga manunubli nga pamilya ni late dictator Ferdinand Marcos angut sa ila liabilities nga nagdangat na sa P203.819 billion.
Ginpagwa sang BIR ang amo nga pahayag matapos nga ginpanginwala sang Presidential Commission on Good Government (PCGG) ang claims sang pamilya Marcos nga ginadiskusyunan na ang ila binilyon nga tax liabilities.
Makapila naman ka beses nga ginbalewala sang pamilya Marcos ang mga panawagan nga ila bayaran ang ila utang kag ginapanindugan nga ang amo nga kaso ang pending pa sa korte.
Apang, sang 1997 gin-deny sang higher court ang petition nga gin-file ni presidential candidate kag former Senator Ferdinand Marcos Jr. nga nagahingyo nga liwaton sang korte suprema ang ila nga desisyon.
Ginaduso man sang kampo sang mga Marcos nga ang tax case batok sa ila pamilya ang subject sa gihapon sa ligitation.
Nagpahayag man si Presidente Rodrigo Duterte nga kinahanglan sabton sang BIR ang ila kapaslawan nga makolekta ang certain estate tax due sang iya wala na ginhingadlan nga pamilya.
