𝗠𝗔𝗡𝗜𝗟𝗔 — Nangin pinakaulihi nga ahensya sang gobyerno ang Bureau of Internal Revenue (BIR) nga nagdesinyo liwat sang iya logo—isa ka inisyatibo nga nagasanto sa kampanya sang pag-rebrand sang administrasyon ni President Ferdinand Marcos, Jr. sa Bagong Pilipinas.
Sa pagsaulog sang anibersaryo sang Bureau of Internal Revenue sa syudad sang Pasay, gin-unveil ni BIR Commissioner Romeo Lumagui Jr. kag Finance Secretary Ralph Recto ang bag-o nga taxman’s new logo.
Ginpahayag ni Lumagui nga wala nagbag-o ang logo sang 120-anyos nga ahensya sa sulod sang 60 ka tuig. Ang isa ka paindis-indis nga ginlunsar para sa isa ka bag-o nga desinyo sang logo nakabaton sang ginatos ka mga entry, nga ang katapusan nga desinyo sang bag-o nga logo isa ka kombinasyon sang mga elemento gikan sa tatlo ka nagapanguna nga mga submissions.
Suno kay Lumaguim, ang kompetisyon nagpromisa sang premyo nga P100,000 para sa nagdaug, sa diin ang 1st runner-up kag 2nd runner-up ang makabaton sang P50,000 kag P25,000, sa magkatuhay.
Apang bangud wala sang isa ka nagdaug nga napilian, ginpili sang ahensya nga hatagan sang P50,000 kada isa ang top three designs.
Kun madumduman, ang bag-o nga mga inisyatibo sa pag-rebranding sang gobyerno kag pagdesinyo liwat sang logo nagkuha sang pag-insulto gikan sa mga netizen. Ang bag-o nga logo sang Philippine Amusement and Gaming Corporation (PAGCOR) nga may letra nga P nga gin-istilo sa flame-like curves sa hues sang pula kag asul ang nagabili sang P3 million, kon sa diin, ginpangayo pa ang imbestigasyon sang Kamara sa sini nga bagay.
Subong man, ang P49-million nga proyekto sang Department of Tourism nga “Love the Philippines” nga rebranding ginpakamalaut man matapos nasapwan ang isa ka promotional video para sa kampanya nga nagaunod sang stock footage sang mga foreign tourism sites.
Ang rebranded nga slogan nga “Love the Philippines,” nga nagbulos sa 11-anyos nga “It’s More Fun in the Philippines,” nakabaton man sang nagkalainlain nga reaksyon gikan sa publiko.
Sa pagdesinyo liwat sang logo sang BIR, si Lumagui nagsiling nga dapat ini mag-uswag agud ipakita ang nagabag-o nga mga panahon kag ang aton panan-awan para sa palaabuton.
Gin-athag man sini nga ang tagsa ka elemento ginhimo sang maayo agod ipaalinton ang mensahe sang integridad, service excellence, kag patriotismo.
Nagarepresentar aman ang haligi nga elemento sa bag-o nga logo sang kabakod kag suporta, nga nagasimbulo sang papel sang Bureau of Internal Revenue sa paghatag sang dugo sang kabuhi sang gobyerno kag sang iya awtoridad kag wala nagabag-o nga pangako sa pagtuman sang iya misyon sa pagkolekta sang buhis paagi sa makatarunganon nga pagpatuman sang mga kasuguan sa buhis para sa pagtukod sang pungsod kag pagbayaw sang kabuhi sang mga Pilipino.
