ILOILO CITY – Ginakulang na ang mga manok sa Japan matapos narekord ang pinakamalala nga bird flu outbreak ukon avian influenza.
Suno kay Bombo Josel Palma, international correspondent direkta sa Japan, nagdangat na sa masobra 17 million ukon 9.9% ka mga manok ang ginpamatay agud indi maglapta ang balatian.
Ginpahayag dugang sang natungdan nga as of January 10, 2023, yara na sa 10.08 million ka mga manok ang ginpamatay nga ginalakipan sang masobra 2 million ka mga nagapangitlog nga manok sa Ibaraki, Japan.
Agud masolusyunan ang nasambit nag problema, nagsagod ang gobyerno sang Japan sang ginabanta 15 million ka mga manok agud mangin commercially available.
Samtang, naeksperyensya man ang kakulang sang itlog ilabi na sa mga restaurants sa diin ginpangkakas ang egg item sa ila menu.
