Gin-athag ni anay Iloilo 4th district Rep. Dr. Ferjenel Biron nga indi ini literal nga mabitay sa Plaza sang Sta. Barbara, Iloilo sa tion nga magdaog bilang presidente si Vice President Leni Robredo.
Si Biron nga congressional candidate ang campaign manager sa Iloilo nanday presidential bet Ferdinand ‘Bongbong’ Marcos Jr. kag vice presidential bet Davao City Mayor Sara Duterte-Carpio.
Sa interview sang Bombo Radyo Iloilo kay Biron, iya gin-ako nga ginbuy-an niya ang nasambit nga pahayag sa campaign rally sang nagbisita sa Sta. Barbara, Iloilo ang utod ni Bongbong nga si Sen. Imee Marcos.
“I made a statement, an expression that says… Mapabitay ako sa plaza sang Sta. Barbara, kun magdaog pa si VP Leni. Sin-o bala ang literal nga mahambal nga mapabitay ka didto? It is an expression that defines an improbable situation.”
Apang suno kay Biron, expression lang ang iya pahayag kag wala sang plano nga mapabitay sa Sta. Barbara, Iloilo.
Ginbasol man ni Biron ang iya nga kasumpong sa politika nga amo ang nagpadako sang isyu.
“Politika ini syempre ang tanan nga gina-obra mo malisyahan sang imo kasumpong. Indi malikawan nga i-interpret nila literally.”
