Natapos sa trahedya ang birthday celebration sang isa ka 33-anyos nga lalaki sa Bulandshahr, India, matapos niya nga ginpangtiro ang tatlo niya ka mga abyan nga nagpahid sang icing sang cake sa iya guya.
Natabo ini sang Abril 25 sa sulod sang isa ka gym.
Suno sa otoridad, nagbaisay ang birthday celebrator nga si Jeetu Saini kag ang tatlo ka mga biktima—sanday Amardeep Saini, Manish Saini, kag Akash Saini—matapos sila nga magpahid sang cake sa guya ni Saini.
Naggwa si Jeetu sa venue apang nagbalik kag may dala na nga pusil kag ginpangtiro ang iya mga abyan nga wala na natabangan pa.
Madasig nga nalagyo ang suspek apang makaligad ang pila ka adlaw, natigayon nga matultulan sang otoridad ang ginapanaguan sini.
Sang arestuhon na, nagbato ini gani gintiro sang kapulisan kag ginbawian man sang kabuhi.
