Masobra tunga sa million ka pesos ang nakumpiska sa isa ka birthday celebrator sa drug buy-bust operation sa Zone 3 Brgy. San Juan, Molo, Iloilo City.
Ang subject amo si Alyas Inday, (HVI), 52, kasado kag residente sang nasambit nga lugar.
Sa interview sang Bombo Radyo kay Police Lieutenant Lloyd Pagulayan, deputy chief of police sang Iloilo City Police Station (ICPS) 4, iya ginpahayg nga nakaagi na nga nadakpan si Alyas Inday sang tuig 2021 kag matapos nga makagwa ini nagbalik naman ini liwat sa paggamit sang illegal nga droga.
Suno kay Pagulayan, natyempohan nga subong man nga adlaw, Mayo 19 ang kaadlawan sini.
Dugang diri, wala nagtul-id si Alyas Inday kun diin ang source sang illegal nga droga apang ang mga parokyano ukon customer niya mismo ang nagapadulong sa ila balay agud magbakal sang illegal nga droga.
Natigayon nga nakumpiskar ang 100 grams sang suspected shabu nga may Standard Drug Price nga Php 680,000.00.
Sa subong, yara na ini sa kustodiya sang ICPS 4 kag nagapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
